Repsol YPF

O Salón Internacional do Automóbil de Madrid abre as súas portas ao público o 23 de maio, data próxima no calendario, por iso as principais empresas ultiman e desvelan algúns dos modelos que presentan este ano en Madrid. É o caso da marca Citroën, que deu a coñecer xa algunhas das novidades que exporá na mostra como primicias en España.

O primeiro trimestre do ano pechou cun balance positivo para o mercado europeo de vehículos comerciais, que cun rexistro próximo aos 700.300 matriculados, supuxo un incremento do 1,4 por cento en relación ao mesmo período de 2007. Este aumento contrasta coa perda do 4,9 por cento que se rexistro no sector durante o pasado mes de marzo.

A firma Scania viviu unha situación desacougada durante os últimos tempos, pero parece que a chegada e toma de control de Volkswagen, tras facerse co 32 por cento do capital, afasta os fantasmas das OPAs. E é que a situación da firma sueca mantivo á empresa coa alma nun fío durante a última década, así, a chegada de Volswagen vese con bos ollos.

As dificultades que até o día de hoxe teñen os condutores de camións, autocares e demais vehículos de grandes dimensións á hora de facer manobras de adiantamento ou cambio de carril, semellan ter unha porta aberta para poder solucionarse. A solución chega cun proxecto que desenvolveron na Universidade Politécnica de Catalunya.