Repsol YPF
Ruta
Estou en:
Inicio
>
... >
... >
... >
Gasóleo A automoción >
Diesel e+10 >
Glosario
Dicionario
Aquí podes atopar o significado dos termos relacionados cos contidos desta sección. Preme sobre cada palabra para acceder á súa descrición. A-B C D E-H I-O P-R S-Z
- ACEA
- Admisión
- Anticorrosión
- Antiescumante
- Antiferruxe
- Antioxidante
- ASTM
- Auto Oil II
- Bomba de combustíbel
- Bomba de inxección diésel
- Bomba inxectora
- Bocal
Admisión
Fase durante a cal se produce a enchedura do cilindro. Mentres a válvula de admisión está aberta e o pistón realiza o percorrido descendente, dende o punto morto superior (PMS) ata o punto morto inferior (PMI). O baldeiro que deixa o pistón transmítese polo conduto de admisión para recoller o aire da atmosfera e introducilo ao motor. Nos motores diésel a admisión prodúcese soamente con aire.
Anticorrosión
Elemento ou características do elemento que evita a oxidación dun material ao dificultar a reacción do osíxeno co material protexido (véxase tamén antioxidante).
Antiescumante
Elemento ou característica do elemento utilizado para evitar a formación de escuma cando un líquido é batido ou ten entradas de aire.
Antiferruxe
Elemento ou característica do elemento utilizado para evitar a condensación e acumulación da auga sobre a superficie dun material. Evita que se forme ferruxe sobre o material.
Antioxidante
Elemento ou característica do elemento que evita a oxidación dun material ao dificultar a reacción do osíxeno co material protexido (véxase tamén anticorrosión).
Auto Oil II
Programa técnico de traballos apoiado polas empresas construtoras de automóbiles, as empresas petroleiras e a Unión Europea, que determina o efecto da composición do combustíbel nas emisións dos vehículos utilizados para o transporte por estrada, a partir do ano 2005.
Bomba de combustíbel
Elemento do circuíto de alimentación, encargado de levar o combustíbel cara á bomba de inxección, e que evita que estando parado o motor, o circuíto se descargue cara ao depósito de combustíbel. A bomba de combustíbel está situada no depósito de combustíbel motor.
Bomba de inxección diésel
Elemento do sistema de alimentación, cuxa finalidade é a distribución do combustíbel aos distintos cilindros, a través dos inxectores, para a combustión. A bomba de inxección diésel é a encargada da aspiración do combustíbel, da regulación do réxime, do avance á inxección, da parada do motor, en definitiva, é o corazón da motorización diésel.
Bomba inxectora
Sistema de inxección diésel que consiste en separar cada corpo inxector dunha bomba en liña e colocalo preto da cámara de combustión. Cada inxector deixa de estar accionado polo eixe da bomba e acciónase directamente dende unha leva colocada na árbore de levas. O control do caudal inxectado pódese realizar de forma electrónica a través dunha central. A vantaxe que achega é o reducido percorrido do combustíbel cando está sometido a alta presión, evitando as flutuacións que aparecen nos condutos das bombas en liña ou rotativas. Pode traballar con presións de inxección superiores a 2000 bar.
Nota informativa: Tradución do orixinal en castelán. No caso de calquera discrepancia, prevalecerá a versión en castelán.