Repsol YPF

Adhesivos Hotmelt

Chamados tamén adhesivos termofusíbeis, caracterízanse por ser 100% sólidos, aplicarse en estado fundido e ao arrefriarse, presentar unha forte adhesión. A velocidade de adhesión é moi elevada debido á ausencia de disolventes na súa formulación.

Existen diferentes tipos de Hotmelt, algúns son polímeros utilizados directamente, sen modificar, como os poliésteres e o polipropileno atáctico, pero xeralmente emprégase unha mestura especialmente formulada de polímero base con resinas adhesivas (resina Tack), modificadores de viscosidade (ceras), estabilizantes, cargas. ...

Nesta formulación, o polímero base proporciona a forza cohesiva, tenacidade e flexibilidade, a resina adhesiva contribúe coa pegañosidade e forza adhesiva, e as ceras como modificadores de viscosidade.

Entre os polímeros máis comúns en adhesivos termofusíbeis atópanse o polietileno, polipropileno, os copolímeros EVA, os copolímeros SBS en bloque, as poliamidas, os poliésteres e os poliuretanos.

Os adhesivos termofusíbeis presentan diversas vantaxes fronte a outros tipos de adhesivos:

• Ausencia de disolventes
• Reducidos custos de embalaxe e transporte
• Boa estabilidade durante o almacenamento
• Adhesión inmediata
• Boa resistencia á auga

E como condicionantes:

• Requiren equipos específicos de aplicación.
• Estabilidade térmica limitada
• Os substratos quéntanse ao ser aplicados.

As aplicacións máis importantes atópanse nos sectores do envase/embalaxe, a encadernación, moble, automóbil e calzado.

A gama de produtos de Repsol YPF inclúe os seguintes polímeros base:

• Copolímeros EVA
• Poliois
• Cauchos sintéticos un produto de Dynasol.