Repsol YPF

Como utilizalo

Ser usuario do sistema ADOC marinos é sinxelo: unicamente ten que solicitalo. Para iso, póñase en contacto con algunha das nosas delegacións ou ben diríxase á nosa delegación de Asistencia Técnica en Madrid.

O noso persoal facilitaralle un código de cliente e uns impresos nos que sinalará unha serie de datos necesarios para cada un dos motores ou da maquinaria nos que vostede desexe facer o seguimento.

Unha vez realizada a súa solicitude, Repsol facilitaralle:

• Recipientes especiais para a toma de mostras.
• Etiquetas con códigos de barra para a identificación das mostras.
• Tarxetas para o envío de información de cada mostra.
• Sobres con franqueo concertado en destino para o envío das mostras aos nosos laboratorios. 

Toma da mostra

A tarxeta de datos contén unha serie de instrucións para a correcta toma da mostra. Unha vez tomada, deberá identificala mediante as dúas etiquetas co mesmo código de barras proporcionadas: unha, marcada cun A para o bote que contén a mostra de aceite e outra, marcada cun T, para a tarxeta coa información da devandita mostra.

Envío por correo

Complete todos os datos que se solicitan na tarxeta informativa, necesarios tanto para a xestión (datos do cliente, instalación, motor, etc.) como o diagnóstico (datos do aceite, horas de uso, reposicións diarias, etc.). Introdúzaa a continuación xunto coa botella da mostra, correctamente pechada, dentro do sobre especial e remítaa ao enderezo indicado.