Repsol YPF

Química 2007

O resultado das operacións da actividade Química durante o ano 2007 ascendeu a 231 millóns de euros, un 34,6% inferior aos 353 millóns de euros do pasado ano. O EBITDA foi de 402 millóns de euros, fronte aos 490 millóns do exercicio anterior.

Este menor resultado estivo motivado polo descenso da marxe da química básica, especialmente no último trimestre do ano, así como por unha menor actividade en Arxentina, debido á restrición na subministración de gas natural, que incidiu na produción de urea e metanol.

No exercicio 2007, a marxe da química básica foi unha 7,8% inferior á rexistrado en 2006, foi especialmente significativa a caída no último trimestre, no que se reduciu case á metade. Esta tendencia reflectiu os niveis de prezos da nafta, inducidos polos prezos do cru, o que supuxo, ademais, un encarecemento das enerxías.

As vendas totais de produtos petroquímicos durante 2007 foron de 4.926 miles de toneladas, fronte ás 4.778 miles de toneladas de 2006, o que supuxo un incremento de 3,1%.

Do total de vendas realizadas en 2007, as de produtos petroquímicos básicos foron 968 miles de toneladas, un 3,4% superiores ás de 2006. Por mercados, en España vendéronse 265.000 toneladas, 195.000 toneladas destináronse ao mercado de Arxentina, Brasil, Bolivia (ABB) e 507.000 toneladas ao resto do mundo.

As vendas de petroquímica derivada situáronse en 3.958 miles de toneladas e incrementáronse un 3% respecto ao ano anterior. Por mercados, 1.267 miles de toneladas destináronse ao mercado español, 1.163 miles de toneladas vendéronse na área ABB e 1.528 miles de toneladas a outros mercados.

Durante 2007, os investimentos realizados na área química alcanzaron os 176 millóns de euros, inferiores nun 20,7% aos 222 millóns de euros do ano 2006.

Entre os investimentos do exercicio destacan os realizados no complexo de Tarragona para a ampliación do crácker e a construción dunha planta de benceno cunha capacidade de 190.000 toneladas/ano, que se puxo en marcha no último trimestre do ano.

No Plan Estratéxico 2008-2012 contémplase como proxecto clave para o crecemento da compañía a ampliación do complexo petroquímico de Sines, que duplicará a súa produción actual e se converterá nun dos complexos tecnoloxicamente máis avanzados da petroquímica europea. O proxecto inclúe a construción de tres novas plantas -polietileno lineal, polipropileno e unha planta de enerxía eléctrica- así como a ampliación en máis dun 40% do crácker, que alcanzará as 570.00 toneladas/ano de capacidade.

Máis información