Repsol YPF

III Premio Narrativa Breve Repsol YPF

Repsol YPF en colaboración coa Secretaría Xeral de Política Lingüística da Xunta de Galicia, co desexo de contribuír ao desenvolvemento da literatura galega, convoca a terceira edición do Premio de narrativa breve de Repsol YPF, de acordo coas seguintes bases:

1. A este premio poderán concorrer todos os autores e as autoras que o desexen, agás o gañador/a da anterior edición, cunha obra escrita en lingua galega, conforme á normativa estabelecida pola Real Academia Galega.

2. As obras, que serán orixinais e inéditas, terán unha extensión non inferior a 50 folios, nin superior a 120.

3. Os orixinais, que se presentarán encadernados e por octuplicado, estarán mecanografados a dobre espazo, a razón de 32 liñas de 70 carácteres aproximadamente. En cada un deles figurará o título da obra e o seu lema. Ademais, entregarase un sobre pechado no que figurará o mencionado lema e, no seu interior, o nome, o enderezo e o teléfono do autor ou da autora.

4. As obras enviaranse antes do 21 de xullo de 2008, e farase constar no sobre Premio de narrativa breve de Repsol YPF, ao seguinte enderezo:

Complexo Industrial Repsol YPF
Apartado 700
15080 A Coruña

5. Estabelécese un único premio dotado con 9 000 euros. Esta cantidade estará suxeita a retención a conta do IRPF que legalmente corresponda.

6. O premio poderá declararse deserto sempre que o xurado considere que as obras presentadas non reúnen a calidade suficiente.

7. A contía do Premio inclúe os dereitos de autor pola primeira edición do texto gañador. A obra premiada será publicada pola Editorial Galaxia, a quen lle corresponderán os dereitos de edición en galego. En todas as edicións que se realicen farase constar o nome de Premio de narrativa breve Repsol YPF 2008.

8. O xurado estará composto por persoas de recoñecido prestixio e será nomeado por Repsol YPF e pola Secretaría Xeral de Política Lingüística da Xunta de Galicia en colaboración coa Real Academia Galega, a editorial Galaxia, a Asociación de Escritores en Lingua Galega e a Asociación Galega de Editores.
A súa decisión será inapelábel e farase pública no mes de setembro deste ano 2008.

9. A entrega do Premio terá lugar no transcurso dun acto público que se celebrará na cidade da Coruña.

10. Se non é por razóns de forza maior, a persoa gañadora deberá estar presente no acto de entrega do Premio.

11. Os orixinais non premiados serán devoltos, sempre que os autores ou as autoras o soliciten por escrito, nun prazo máximo de dous meses, a partir da data en que se faga pública a resolución do xurado. Os orixinais que non se retiren serán destruídos. 

12. Nos aspectos non considerados nestas bases ou naqueles que puidesen ser obxecto de interpretación, a decisión corresponde ás entidades organizadoras que, unha vez consultados os membros do xurado, emitirán fallo que será inapelábel.

13. A participación nesta convocatoria implica a aceptación destas bases.

Nota de prensa (PDF 32,9 Kb)

Bases do concurso (PDF 62,5 Kb)