Repsol YPF

Proxecto ampliación da Refinaría de Cartaxena

Nota de prensa

Situación actual do proxecto

O proxecto de ampliación da refinaría de Cartaxena foi aprobado polo Consello de Administración de Repsol YPF o pasado 8 de xaneiro de 2008. Finalizou a súa enxeñaría básica e no primeiro trimestre de 2008 iniciou a enxeñaría de detalle que se desenvolverá durante o ano 2008 e primeiro semestre do 2009.

O movemento de terras e traballos previos está previsto que conclúan na segunda metade do ano 2008, e agárdase o inicio dos traballos de obra civil en xullo deste mesmo ano. Os traballos de montaxe mecánica comezarán entre finais de 2008 e o primeiro cuadrimestre de 2009.

A Dirección da Obra de Repsol YPF será apoiada por enxeñarías externas, dividíndose o proxecto, dada a súa magnitude, en diferentes bloques.

A organización por bloques é a seguinte:

- Bloque 1: Baleiro, cóquer, concentración de gases do cóquer, merox, butadieno
- Bloque 3A: Plantas de xofre, aminas e augas ácidas
A enxeñaría e supervisión da construción destes bloques será desenvolvida por Foster Wheeler-Intecsa

- Bloque 2A: Hidrocráquer (HC) 

- Bloque 2B: Topping  - Concentración de gases de topping, HDS de GO de topping, HDS de GOl de cóquer, HDS de nafta de cóquer
A enxeñaría e supervisión da construción destes bloques será desenvolvida baixo a modalidade de chave en man por Técnicas Reunidas e INITEC 

- Bloque 3B: Infraestruturas xerais das áreas antes descritas e novas instalacións de Enerxías e Movementos.
A enxeñaría e supervisión de construción deste bloque será desenvolvida por Fluor.

- Plantas de H2: Enxeñaría e construción será un contrato modalidade chave en man con Técnicas Reunidas

- Oleoduto a Puertollano: en curso, a etapa de enxeñaría desenvolvida por Heymo (trazado de canalización) e Intecsa-Inarsa (centros de bombeo e instalacións en refinarías)
A construción desenvolverase no último trimestre de 2008 e durante 2009

Información para provedores

Aqueles provedores interesados en colaborar no proxecto deberán facilitar os seus datos na web a través da aplicación

Área de provedores

(Prégase que no apartado de observacións se especifique que se ten interese en traballar no proxecto de ampliación da refinaría de Cartaxena)

Deberá indicarse claramente a área de interese na que a empresa desexa ser provedora así como o produto ou servizo ofrecido. No caso de subministracións deberán indicar os rangos de fabricación, capacidades, etc. No caso de tratarse de servizos, a dispoñibilidade de maquinaria, persoal, etc. Isto permitirá orientar á Dirección de Obra de Repsol YPF cara ás empresas contratistas de construción ou enxeñaría que poidan resultar interesadas polo produto ou servizo ofertado.

Se Repsol YPF decidise iniciar un proceso de cualificación do produto / servizo ofrecido, porase en contacto co provedor para solicitar a información e documentación necesaria. Se o resultado final do proceso fose positivo, o devandito provedor pasaría a formar parte da relación de provedores / contratistas cualificados por Repsol YPF, e polo tanto dispoñíbel para o proxecto.