Repsol YPF

¿Que son?

As gasolinas son unha mestura complexa de hidrocarburos líquidos, cuxo obxectivo fundamental é transformar enerxía química en enerxía mecánica no seu proceso de combustión. Os combustíbeis de competición son produtos con propiedades físico-químicas moi acoutadas e desenvolvidos exclusivamente para aplicacións específicas onde priman as prestacións.

¿Que implican?

• Avance de coñecementos
• Vangarda Tecnolóxica, que repercute:
  - Produtos Especiais
  - Produtos Comerciais
         - Gasolinas: efitec 95 e efitec 98
         - Gasóleo: Diesel e+ e Diesel e+10   

¿As gasolinas comerciais son todas iguais?

Non, Repsol YPF baseándose no coñecemento adquirido na competición, incorpora ás súas gasolinas comerciais aditivos vangardistas que protexen,  manteñen limpos e alongan a vida dos motores, e optimizan así o seu consumo e prestacións.

¿Como se desenvolven?

1º- Definición dos requirimentos do motor
2º- Selección de compoñentes e correntes de refinaría
3º- Análise preditiva mediante modelos matemáticos de simulación
4º- Selección e fabricación das formulacións máis óptimas
5º- Ensaios en motor en banco de probas
6º- Ensaios en circuíto en condicións reais de carreira
7º- Homologación do combustíbel polo laboratorio acreditado
8º- Fabricación e distribución.

¿Cal é o obxectivo dunha gasolina de competición?

Os obxectivos principais dun combustíbel de competición son maximizar a potencia do motor e facilitar a condución do piloto, pero considerando diversas restricións entre as que salientan, o cumprir unha especificación e garantir a vida do motor estabelecida polo fabricante, que oscila entre 1.500 km e 3.000 km.

¿Unha gasolina de competición serve para unha moto da rúa?

Non, non é conveniente, xa que as gasolinas de competición son produtos moi específicos desenvolvidos exclusivamente para aplicacións moi diferentes ás dun motor convencional, onde priman outras propiedades como a protección do motor, limpeza, lonxevidade...

¿Repsol só subministra produtos de competición para o mundial de motociclismo?

Non, participa noutros campionatos:

• CEV, en 2T (125cm3) 4T (Supersport e Extreme)
• Rallys: MITSUBISHI e KTM no Dacar  
• Trial: Equipo Montesa-Honda
• Circuítos: World Series, turismos, carreiras de resistencia....   

¿Cantos litros se fabrican?

Incluíndo a gasolina subministrada para desenvolvemento de novos motores, por volta dos 100.000 litros/ano.

¿Canta gasolina necesita unha Moto GP para unha carreira?

Algo máis de 20 litros.

¿E que gasta durante a fin de semana?

Contando todos os adestramentos (libres e oficiais) e a propia carreira, uns 150 litros por moto.

¿Deben cumprir un regulamento?

Teñen que cumprir coa especificación da FIM (Federación Internacional de Motociclismo) e ser homologadas polo EMPA: un laboratorio acreditado pola FIM con sede en Xenebra, que se encarga de certificar todas as gasolinas que corren no campionato do Mundo.

¿Pode usarse calquera compoñente?

Non, os compoñentes que se utilizan para fabricar unha gasolina de competición teñen que estar de acordo coa Federación Internacional do Motociclismo.

¿Como se garante que a gasolina utilizada cumpre coa normativa?

Os comisarios extraen unha mostra de gasolina do depósito de combustíbel aos primeiros pilotos clasificados de cada carreira e a algún máis ao azar, e comproban que se corresponde coa homologada.

¿Como conseguir a gasolina ideal para que os motores rendan ao máximo?

A clave dun bo produto de competición é conseguir unha estreita colaboración entre o fabricante do motor e o fabricante do combustíbel. Repsol YPF colabora intensamente cos seus equipos patrocinados, e por suposto, realiza numerosos ensaios nas súas propias instalacións e en circuítos que garanten a calidade do produto.

Por esta razón lideramos o mercado e somos campións do mundo dende o ano 2001.

¿Canta potencia se gaña cunha gasolina de competición?

Aínda que pareza mentira, a diferenza respecto a un produto comercial non é moi grande, por volta dun 2%, non obstante, esta pequena diferenza pode supoñer gañar ou perder un Gran Premio.

¿Que outras dificultades ten un produto de competición?

Unha fabricación minuciosa, garantindo a súa homoxeneidade nos diferentes lotes ao longo do ano.

Unha loxística complexa: transporte por todo o mundo de mercadorías perigosas.