Repsol YPF

Repsol YPF, a empresa enerxética mellor valorada en Europa pola súa transparencia en Internet

Segundo a clasificación elaborada pola prestixiosa consultora Hallvarsson & Halvarsson e publicado por Financial Times

· Repsol YPF é a segunda compañía europea, con 88, 75 puntos, 11 máis que o ano 2006.

· Máxima puntuación en Información financeira e información xeral da compañía.

· Achega 15 " mellores prácticas" dos criterios avaliados. 

· Por cuarto ano consecutivo repsolypf.com mantén o seu liderado absoluto entre as empresas do Ibex-35.

Repsol YPF é a primeira compañía enerxética de Europa pola súa transparencia e mellores prácticas nos contidos do seu web corporativo e ocupa o segundo posto da clasificación global das empresas con maior capitalización bolsista de Europa, segundo o clasificación web elaborada pola prestixiosa consultora sueca de comunicación financeira Hallvarsson&Halvarsson. 

Repsol YPF obtivo a máxima puntuación nos apartados de información financeira e información xeral da compañía, e achega 15 " mellores prácticas" dos criterios avaliados, fronte a 1 da edición anterior, en información financeira, responsabilidade corporativa, sala de prensa e portada.

 Por cuarto ano consecutivo, Repsol YPF lidera a clasificación de webs corporativos do Ibex 35, obtén 88,75 puntos sobre 100, a máxima puntuación obtida pola compañía dende que se realiza esta clasificación, e cunha diferenza de 0,25 puntos sobre a primeira clasificada.

O estudo, publicado por Financial Times avalía 125 atributos que varían dun ano a outro e que se extraeron dunha enquisa realizada a máis de 300 analistas, xornalistas e investidores de Europa. Nesta edición aumentou o nivel de esixencia ao se incrementar o número de empresas participantes, que pasou das 513 da pasada edición a 630 webs analizados durante o 2007. Para realizar a clasificación, a consultora analiza dúas veces ao ano, con diferentes avaliadores, cada un dos webs corporativos.

O resultado deste webranking reforza outros recoñecementos obtidos ao longo do 2007:

· Premio AUI á Mellor Empresa. Estes premios, convocados pola Asociación de Usuarios de Internet dende 1997 teñen por finalidade recoñecer empresas, administracións e persoas españolas que cos seus traballos, coas súas actividades e e cos seus proxectos contribuíron á difusión, ao uso e desenvolvemento da sociedade da información e de Internet.

· VI Premio AECA á Empresa con Mellor Información Financeira en Internet. Transparencia e Fiabilidade da Información Corporativa. Este premio,concedido pola Asociación Española de Contabilidade e Administración de Empresas recoñece as páxinas web que fan uso desta canle de comunicación para difundir a súa información corporativa, dada a importancia que as novas tecnoloxías teñen no desenvolvemento dun mercado de información máis eficiente e dos seus efectos sobre a correcta asignación dos recursos económicos.

· Premio AEMEC á Transparencia, concedido pola Asociación Española de Accionistas Minoritarios (AEMEC), que valora o esforzo realizado por Repsol YPF en materia de transparencia e nas súas relacións cos distintos grupos de interese, en particular os accionistas minoritarios. 

O portal repsolypf.com considérase como unha ferramenta de xestión corporativa e de negocios ao servizo dos diferentes grupos de interese da compañía. Os datos do número de visitas e de páxinas visitadas, 8 millóns e 125 millóns, respectivamente, aválana como un dos webs de empresas do Ibex-35 máis visitados. 

No web pódense consultar todos os informes financeiros, de xestión e de responsabilidade corporativa da compañía; a cotización en tempo real, recibir alertas gratuítas, notas de prensa, etc. Tamén se poden seguir en tempo real os principais eventos da compañía como a Xunta Xeral de Accionistas ou a presentación de resultados. repsolypf.com destaca, ademais de pola súa ampla información financeira e a rápida actualización dos seus contidos, pola súa accesibilidade, a variedade de versións idiomáticas (español, inglés, portugués, catalán, éuscaro e galego) e polo seguimento da información para os analistas. 

Clasificación xeral: Top 20

Compañías petroleiras

Compañías españolas