Repsol YPF

A nosa meta é conseguir cero accidentes nas nosas operacións. Os nosos procesos de negocio deben continuar integrando os criterios de saúde e seguridade en todas as súas fases, dende a planificación inicial, pasando pola xestión das operacións, ata o abandono das mesmas; ademais de procurar a mellora continuada das actitudes, prácticas e procesos que determinan o desempeño en seguridade.

A nosa meta é desenvolver e implementar todas as oportunidades de redución de emisións de Gases de efecto invernadoiro (GEI) con criterios de eficiencia enerxética e potenciando a transferencia de Tecnoloxía mediante o desenvolvemento de proxectos de Mecanismos de Desenvolvemento Limpo (MDL).

A protección e conservación do contorno e da biodiversidade continuarán sendo elementos claves do noso horizonte estratéxico en todos os ámbitos da nosa actividade económica. A nosa prioridade continuará sendo a minimización na xeración de residuos e a redución da carga contaminante das nosas verteduras e emisións. Así mesmo, seguiremos traballando para mellorar os nosos sistemas de prevención de derramos e manteremos o esforzo de identificación, avaliación e corrección de posíbeis situacións de contaminación ocorridas no pasado.

Os nosos centros de tecnoloxía e investigación esfórzanse en desenvolver carburantes cada vez máis respectuosos co medio e lubricantes e asfaltos con mellores prestacións para os nosos clientes, adaptándose á demanda de produtos cunha calidade cada vez maior e un impacto ambiental substancialmente menor.