Repsol YPF

Seguridade industrial - Xestión de riscos

Coñecendo os riscos podemos previlos e aumentar así a seguridade das persoas

Un dos elementos principais do sistema de xestión de seguridade e medio de Repsol YPF constitúeo a identificación e xestión dos riscos de seguridade, aplicando o principio básico de prevención en todas as fases de negocio.

Continuando coa mellora na avaliación de riscos industriais, a compañía está desenvolvendo unha nova normativa, co fin de asegurar que durante o ciclo de vida das instalacións industriais de Repsol YPF se identifican, se cuantifican e se xestionan os riscos industriais, para minimizar a súa posíbel afectación sobre a seguridade das persoas, das instalacións e do ámbito. Repsol YPF traballa na continua actualización e mellora da calidade das análises de riscos realizados, e na realización destes estudos nas novas instalacións ou en modificacións das xa existentes.

Neste sentido, durante 2007, realizáronse melloras considerábeis no sistema de xestión de riscos mediante a aprobación de normativa e guías para a correcta xestión dos riscos industriais:

• Norma de Xestión de sistemas instrumentados de seguridade, que estabelece unha metodoloxía común para a xestión dos sistemas eléctricos ou electrónicos de seguridade dos procesos nas instalacións da compañía durante todo o seu ciclo de vida de acordo á Norma IEC 61511 do International Electrotechnical Comission. Concretamente fixa os requisitos en canto á especificación, ao deseño, á instalación, á operación, ao mantemento, á verificación, á validación e á avaliación da seguridade funcional dos sistemas instrumentais de seguridade.

• Guías para a realización de estudos PHA e HAZOP (HAZard and OPeratibility study) co obxecto de estandarizar os procedementos cos que se realizan os estudos de análise de riscos de proceso que permiten identificar os perigos potenciais e problemas operacionais e avaliar o seu risco.

Outra das liñas clave para mellorar a xestión dos riscos e impulsar a seguridade dos nosos procesos, é promover o reporte de todos os sucesos e a investigación dos accidentes e incidentes con alto potencial de perdas. Para iso Repsol YPF conta cunha metodoloxía de investigación de accidentes que se enfoca en identificar as súas causas básicas. As devanditas causas básicas, xunto coas accións correctoras para mitigalas, son puntos clave para mellorar a seguridade en todo o ciclo de vida das instalacións.

Enlaces de interese:

Os nosos datos / Casos de estudo / Indicadores GRI

Volver